: تازہ ترین

تازہ ترین ویڈیو

آصف ہاشمی کو لاہور میں میرٹ پر بھرتیوں کی سزاد ی جا رہی ہے۔پاکستان پیپلز پارٹی انسانی حقوق ونگ


PPP flag 02 April 13, 2015 | 6:19 PM

لاہور:(نیوزآن لائن) پاکستان پیپلز پارٹی انسانی حقوق ونگ لاہور کے رہنما نصیر احمد، ممبر پنجا کونسل خالد بٹ، حسن ایوب نقوی نے اپنے مشترکہ بیان میں محسن شاہدرہ آصف ہاشمی کے خلاف سیاسی کارروائیوں کی مذمت کرتے ہوئے کہا کہ آصف ہاشمی کو لاہور میں میرٹ پر بھرتیوں کی سزاد ی جا رہی ہے۔ آصف ہاشمی نے بطور چیئرمین شاہدرہ اور بادامی باغ میں سکول اور کالجز تعمیر کروائے۔ اہلیان شاہدرہ کا دیرینہ مطالبہ ٹول پلازہ کی منتقلی اور عوامی کارنامے سرانجام دئیے۔ آج بھی اہلیان شاہدرہ اور بادامی باغ آصف ہاشمی کو محسن شاہدرہ کے نام سے یاد کرتے ہیں۔ انہوں نے کہا کہ مسلم لیگ ن نے ہمیشہ اقتدار میں آکر عوامی خدمت کرنے والے نمائندوں کے خلاف سیاسی کارروائیاں کی ہیں۔ ملازمتیں دینے پر سابق وزیراعظم یوسف رضا گیلانی سمیت دیگر قائدین سزائیں کاٹ چکے ہیں۔ لیکن پیپلز پارٹی کے قائدین ان سیاسی کارروائیوں سے گھبرانے والے نہیں ہیں۔ انہوں نے مطالبہ کیا کہ آصف ہاشمی کے خلاف سیاسی مقدمات ختم کیے جائیں اور آصف ہاشمی کو وطن واپس آنے کی اجازت دی جائے اور ریڈ وارنٹ ختم کیے جائیں تاکہ وہ اپنے خلاف مقدمات کا سامنا کر سکیں۔